فى السلك بابكر سلك

في السلك / بابكر سلك

بي حقنا وبي شفتنه
·اليوم
·مباراة العبور
·بامرنا
·بامر الجمهور
·هدف وحيد يكفي للتأهل
·وطالما المباراه تسعين دقيقه
·يبقي مافي داعي للاستعجال
·الهدف ممكن يجي
·من الدقيقه واحد وحتي الدقيقه تسعين
·لذلك
·يجب ان لا يستعجل الجمهور
·يجب ان نشجع
·دورنا هو التشجيع
·لا نكل ولا نمل
·القون بجي بجي
·باذن الله بجي
·يبقي التوتر الجماهيري بوتر اللاعبين
·وتوتر اللاعبين ماحبابو
·الجهاز الفني مقتدر
·ولا نظن انه سيرمي بكل اسلحته هجوما
·لان حماية مرمانا
·لاتقل اهميه عن هدف تأهلنا
·لذا
·ندافع برؤية واستراتيجيه
·ونهاجم بجمل تكتيكيه لا تفقدنا الوقار في دفاعاتنا
·ويا حبذا لو لعبنا بنفس الطريقه التي لعبنا بها ضد الخرطوم
·وضد الهلال في المباراه النهائيه
·نلعب الباص التكتيكي الذي يضع لاعبنا في موقف الانفراد الكامل بمرمي الخصم
·القون لو جا بدري خير وبركه
·ولو جا متأخر نحمد الله
·المهم في الموضوع
·ان نشجع بشفتنه
·نتفاعل ايجابا مع كل احداث ا لمباراه
·ونفوز
·وبعدها من حقنا ان نغني
·الليله يوهي يا بلالي يوهي
·الليله جينا كيه للمابينا
·ونغني
·برانا برانا نشيل الشيله
·وبرانا برانا نسوي السيره
·ايها الناس
·الحضور للاستاد لايكفي
·نجي بي لبس خمسه
·احمر واصفر
·بي شعار الانتصار
·لنرقص رقصة النصر الكبير
·ايها الناس
·الحضور بي لبس خمسه وحده لايكفي
·يجب ان نشجع بضراوه
·يجب ان نساند
·نحن اسود
·زئيرنا يقضي علي الغير
·ايها الناس
·الشفتنه تعني ان يقود الجمهور المباراه الي الطريق الذي يريد
·نقودها
·نسوقها
·وبي رخصتنا نحمد الله
·ايها الناس
·القياده العامه في الميدان
·وكل الروابط
·واولتراس الزعيم جاهزين
·دم ونار
·يجب ان نطرق حلاقيمنا
·ونثبت مبادئنا وقيمنا
·اننا نستحق الكأس
·ونستحق ان نغني
·الكاس كاسنا ونحنا اهلو ونستاهلو
·وكي نغني
·يجب ان نشجع
·حتي يقتنع التشجيع زاتو
·باننا شفوت
·باننا نلتف حول الزعيم بجنون
·لانو المريخ بجنن
·بخلي العاقل يطقع والمجنون يهبش
·تعالوا نهبش العبور
·ونطقع الانتصار بالورود والزهور
·تعالوا كلنا
·من بدري
·انه السبت
·ايها الناس
·العجب وايدكو
·اسمين يجب ان نحفظهما صم
·اها نجي لي شمارات والي الخرتوم
·كان شفت يا والينا
·الليله ان شاء الله المريخ سيعبر الي المباراه النهائيه
·سيشرفنا سيادة الوالي كبر
·ياريت تجي معاهو
·وكبر يا والينا كراعو طلعت سمحه مع مريخ الفاشر
·بالتأكيد حاتتطلع اسمح مع المريخ الكبير
·ولا ماكده يا كبر يا كبير !!!!
·سلك كهربا
ننساك كيف والليله نحنا في النهائي !!!
والي لقاء
سلك