فى السلك

موضوع: فى السلك السبت ديسمبر 01, 2012 5:51 pm

في السلك
بابكر سلك
الشرتاي ما بلعب

·والله كلام غريب لكن

·سمعنا انو السيد صلاح احمد محمد صالح

·استنكر تصرف الحكم عن اعتداء المعز السافر علي الباشا

·وقالوا صلاح قال الحكم ده ممكن يتشطب ذاتو

·واضاف سيادته بانه مع الرأي الذي ينادي بحكام اجانب للقمه

·يا سيد صلاح

·انت شخصيا سكت علي حاله افظع من دي

·لما اعتدي احمد النور علي عبدالمجيد جعفر

·وسبحان الله احمد النور هو حارس الهلال في تلك المباراه

·واعتدائه علي مجيد كان اشنع

·لان المعز ضرب الباشا في الركبه

·واحمد النور ضرب مجيد في الرقبه

·كسر ترقوتو

·والسبب المنعك يا سي صلاح من احتساب ضربة الجزاء وقتها

·هو نفس السبب الذي منع ولدك الحكم الكوره الفاتت من طرد المعز

·والسبب الخلاك تعترف بصحة ضربة الجزاء وقتها تاني يوم

·حيث لاينفع الاعتراف

·واحتسبت النتيجه كما هي

·هو نفس السبب الذي يدفعك اليوم للاعتراف بخطأ احد اولادك

·يا سيد صلاح

·سياسة الكيشه دقو واعتذرلو دي غيرها

·ماممكن الف سنه

·تظلمون المريخ

·وتطلوا علينا تاني يوم عشان تعتذروا

·وتعتذروا عشان تحافظوا علي الجلوس في مناصبكم

·وتحافظوا علي الجلوس خلف صفاراتكم

·لتظلمونا من جديد

·تلقوها عند الغافل

·ورسوب حكامك يا صلاح كما ورد في عمود استاذنا عبدالمجيد امس

·هو رسوب لادارتكم الفاشله لجهاز التحكيم

·وتصريحك بتأييد استجلاب التحكيم الاجنبي للقمه

·هو اعتراف بالفشل

·عجاج كرعينكم كلكم يا ابو صلاح

·والذهاب بكرامتكم افضل لكم

·ويدرأ كوارث يمكن ان تقضي علي اليابس واليابس

·واقول اليابس واليابس

·لان عمايلكم لم تترك اخضرا يتنافس عليه المتنافسون بشرف

·الموسم كمل

·استقيلوا خلوا غيركم يقود مركبة الحياد والعداله

·اتركوا الفرصه لمن لا يخطئ

·طالما تسمون ظلم منسوبيكم اخطاء

·فرتقوا يا ابو صلاح خلونا نتطور

·خلونا نشعر بعداله

·خلونا نتنافس بي شرف

·معقوله

·زول يشوت الكوره تدق في الماسوره وترجع من الماسوره للماسوره

·ويشوتها تاني

·وتعدوها قون

·وبعد ده تستفتوا الفيفا !!!!

·الفيفا بالفا يا ابو صلاح !!!!!!

·اسي العرب الشافوا الكوره في الشروق ديل

·لو يلعبوا بدون حكام

·لو يحكموها ليهم بنغاله

·بجيبوا حكم من السودان بعد الشافوهوا ده ؟؟؟

·زمن الحكم يغمت والكوره بالكتير مذاعه

·ده زمن راح زمان

·التكنلوجيا خلت الاحداث في سرك منقوله علي الهواء للعالم

·ايها الناس

·يا صلاح

·الغلط مامن المعز

·ولا من الحكم

·الغلط مننا نحنا

·بنتظلم

·وبنشوف غيرنا يظلم

·ولا نملك الا ان ندين ونشجب

·تاني ندين ونشجب مافي

·المنكر سنغيره امتثالا لامر الرسول صلي الله عليه وسلم

·ولكن لن نغيره باضعق الايمان

·لن نغيره بقلبنا

·لاننا اقوياء

·والشفوت عليهم دي ما بتفوت

·استقيلوا قبل ما تتشنقل الريكه

·وتتدفق الويكه

·ولن نتوقف

·اها

·الجماعه بالغوا

·نفس الكلام القالوهوا في كلتشي لما عقدوا انتهي معاهم

·وماكان عندهم قروش تجديد ليهو

·نفس الكلام قالوهوا في سادومبا

·وكل تلاته اهداف ليهم

·سادومبا جايب فيها اربعه

·الجماعه ديل اصلو ماعندهم تسريح باحسان

·تسريح بي مشاكل ودق صفائح وصفقه

·وشايف اليومين دي ناوين يسمعوا ليك البرنس صفقه

·وهي جنس صفقه

·غايتو يا برنس

·لو سمعت ليك صفقه

·ومعاها هيييييييييي وهييييييييي وتاني هيييييييييي

·اعرف الجماعه جوك

·ايها الناس

·من اهداف مازيمبي الخمسه

·كان في قون بلنت

·والغريبه المعز قبض الكوره حتي ضرب المهاجم

·الحكم طوالي عداها بلنت

·لكن عزو معذور

·هنا زي دي مابعدوها عليهو بلنت

·اتعود عليها

·شفت يا صلاح

·حتي المستفيد داخليا من اخطاء ناسكم

·متتضرر دوليا من نفس الاخطاء

·استقيلوا يا زول

·انتوا ضارين الجميع

·وماضارين به من احد

·لان الخلاصه

·عودة الضرر ليكم

·تفقدون ثقة الناس

·وتقعدوا ساااااااي

·ايها الناس

·قريت قالوا اهلي شندي ومريخ الفاشر يتصارعون حول البرنس

·اهلي شندي انا ما بعرفو

·لكن السلاطين ديل

·ما بلعبوا زول اكبر من تلاته وعشرين سنه

·لانو الوصل اربعين عندهم

·بعينوهوا شرتاي

·والشرتاي ده زول محترم

·مابلعب

·كان كدي مبروك علي اهلي شندي

·اها

·نجي لي شمارات الوالي

·والينا

·شهر حداشر ده التقول دبيب

·طويل خلاص

·ابي يكمل اصلو

·وطوالي دي طريقتو

·تاني يا والينا

·يوم تلتين عشره ادونا ماهيتين

·شهر حداشر ده ماهيه واحده ما بتكفي فيهو

·والينا

·واحد بتاع بحر

·مشي البحر

·لقي روحو ناسي حاجه مهمه

·قال

·والله صحي الشقي يمشي البحر ويرجع عطشان

·ولم لم بعضو ورجع

سلك كهربا

ننساك كيف ونمور دار جعل تتصارع مع السلاطين
والي لقاء

سلك

» فى السلك
» فى السلك بابكر سلك
» فى السلك بابكر سلك
» فى السلك بابكر سلك