الاداره.... المؤتمر الوطنى .... جمهور المريخ

من خلال متابعتى لبرنامج البحث عن هدف بالامس الذى استضاف همد وعصام الحاج والوالى وبكل صراحه عصام الحاج ده ح يضيع المريخ وكل ماقاله عن التقشف هى حيله فقط لذر الرماد فى العيون لكى لايرى الجمهور مايدور فى الاداره بعد رحيل جمال الوالى والله ماعندهم قرش واحد وماممكن تقول وفرنا 200 الف فى خلال اربع يوم وتعتبره انجاز للمجلس وتغض الطرف عن ماوفره الوالى لتسجيل ماتبقى من اللاعبين ورهانك على الجمهور لدعم خزينة النادى فى الفتره القادمه خاسر ليس لان الجمهور لايدفع للمريخ لان الظروف الاقتصاديه فى السودان جعلت الشعب السودان يصل لمرحلة الفقر يعنى بصراحه كده الشعب بيفتش فى لقمة العيش مالاقيها وتقول لى الجمهور عندك كم نفر يحمل عضوية نادى المريخ عشان تعتمد عليهم ياخى قول كلام منطقى يدخل الدماغ
المؤتمر الزطنى ده بيعامل المريخ معامله غريبه انحنا ياناس المؤتمر الوطنى تبعتونا لحكومة الجنوب ولاشنو تجتمعوا ليكم عشان مشكلة لاعب مع نادى وكونتوا لجان ومؤتمرات وسمنارات عشان تحلوا مشكلة لاعب لانو بيلعب فى الهلال والمريخ تحفه المشاكل من كل الجوانب وانتو ولا على بالكم الاتحاد والتحكيم والحكومه ضد المريخ استادنا اتكسر عن بكرة ابيه وانتو وشرطتكم بتتفرجوا اتكسرت 10 كراسى فى استاد الهلال الدنيا قامت وعقدتو سمنارات من اجل التشجيع المثالى غايتو انا ماعارف اذا تبعتونا لجنوب السودان كلمونا جمهور المريخ ده لو عاديتوه انتو خسرانين الوالى معروف مؤتمر وطنى ولكنه يحب المريخ والله هو ذاتو قنع منكم اموت واعرف السر البينكم والهلال ولا عشان البشير هلالابى فى النهايه ياناس الحكومه ياتختوا الكوره حقتنا ياتنصفوا ولو ختيتوها يكون احسن والحاجه المهمه لو عندكم حسابات حزبيه عايزين تصفوها صفوها بعيد من المريخ انتو ناسين انو السودان ده سودان المريخ والبعادينا لامحال خسران
انحنا جمهور المريخ لقبنا الصفوه فى السودان كما قال الاستاذ سبدرات بس الصفويه دى فى كل شى مابتجيب حقها وانا ماعايز اعمل مقارنه بيننا وبين الجلافيط لانها معدومه ..... سؤالى الصفويه دى فى كل مكان مطلوبه والله مااظن ... جمهور المريخ وادارتوا زمان كان بياخدوا حقهم بايدهم يعنى ماكانو صفوه ولا شنو من قبل ادارى مريخى يجلد حكم امام مبانى الاتحاد جمهور المريخ يحطم استاد لاصابه جمال ابوعنجه الشراسه مطلوبه فى بعض الاحيان كلام همد الامس بالجد كلام زول مقهور التحكيم كم مره ظلم المريخ والاتحاد بعاين بعيونو المريخ بصراحه مستهدف وانحنا كجمور لينا ضلع من يهن يسهل الهوان عليه لازم الناس دى تشوف العين الحمراء من الجمهور وما اخذ من المريخ لايسترد الا بالقوه وهنا يستحضرنى ماقاله طيب الله ثراه المرحوم مصطفى التمارى رئيس نادى المريخ الابيض مطالبا جمهور ناديه انو مايشتكوا من التحكيم قال ليهم انتو اجلدوا اى حكم يظلمكم واذا مات انا بدفع ليكم الديه المطلوبه لابد ان نحمى مريخنا من هؤلاء العين الحمراء مطلوبه ياجماهير المريخ وحقنا لازم ناخدوا الشفتنه مطلوبه اتمنى انو الموسم القادم يكون عندنا كتيبة ردع مريخيه تردع كل من يتطاول على المريخ ونشوف المحصله ح تكون شنو انا متاكد انو ح نقفل الموسم كامل