حنين صالح

موضوع: حنين صالح الأربعاء نوفمبر 28, 2012 1:51 am

يابا

ما كتبتك قصيد

شان انصفك

ولا فكرت يابا إنو القول

هو البوفيك حقك

الا هزاني سفرك

في الليل الشوم
بسال الله الكريم
يصبرني يابا على فرقتك
ويرحمك...
ما انا الجاهله البعترض
على قدر الرحيل ..وعذرتك
ولا زميتك يابا على السفر
الطويل ..وفقدتك
وعارفاك يابا ...
ما حددت ساعة رحيلك
ولا كان ليك خاطر تسيبنا
الا الرحيل كان فوق إحتمال
قدرتي وقدرتك
واصدقك القول يابا
ياريتني لو كنت بدالك
مين لي ديل يابا بعدك ؟
ولا ني ناسيه الواحد الاحد
القدوس الملك
من وين أجيب صبرا
يقدرني وأجاوبهم
عن فجتك
عن طول غيابك
وعن تاريخ عودتك
وكل ما سالوني عنك
كانت دموعي هي الجواب
عن رجعتك
هم لساتهم صغار على معرفة
قدر الرحيل
هم بس دايرين رجعتك
ليتهم طلبو المستحيل
لما ترددت يابا في تطويع
المستحيل
لكنهم طالبين
رجـــــــــــــــــــــــعتك
هم ما عرفو الأمان
مع غيرك
ولا بعرفو الفرح غير
في ضحكتك
الدنيا عندهم...ياها دخلتك
ليتك يابا حملتني جبلا
ولم تحملني مسؤلية أخلفك
انا ما بقدر اخلفك

يابا ...
ما انا البقدر يكون فجتك
تعبت يابا ...
وانا أحاول اشبهك
تعبت وانا شايل ملامحك
شان اقاربك أو اتمثلك
وغلبني يابا اكونك
وغلبني اشبهك
يابا يا هناك...
يا متوهط اللحد الحق
ما نسيتك ولا بقدر لحظة
انســـــــــــــــــــاك
يا غايب وحاضر فيني
انا زيهم منتظر ...دخلتك
كيف أصبرهم وأنا نفسي
ما صابر على فرقتك
كيف للصغار يابا
وانا الكبير في حضرتك
واكبرتك يابا ...
على الحمل التقيل الشلتو
لا كليت ولا مليت في مره
يابا وينك ؟
وانا كل ما ضاقت بي ارض
ناديتك يابا رد
كل ما شوقي فاض بي
ناديتك يابا رد
كل ما درت احكي ليك عن
حالنا بعدك
ناديتك يابا رد
كل ما فكرت اجيك هناك
وارقد معاك اتوسدك
ناديتك يابا رد
يابا ...
غالطت فيك الاموات
لما حسبوك منهم
يابا غالطتوني فيك الحيين
لما حسبتك منهم
يابا إنت عندي حي
وديل ..وديل ما عليك منهم
يابا...
ما انا واخواني بس الفقدوك
بل كلهم
بكوك دم لو يرجعك
هم عارفنك ضو قبيله بحق
ولا قـــــــــــــــــول
هم عارفنك ...
للضعيف ستر وغطاء بحق
ولا قــــــــــــــــــــــــول
هم عارفنك ...
سيد حوبات بحق
ولا قــــــــــــــــــــــول
وهم عارفنك
مطمورة الجيعان بحق
ولا قـــــــــــــــــــول
الا هم زي وزيك
عارفين إنو الرحيل فوق
احتمال قدرتهم وقدرتي
وقـــــــــــــدرتك...
يابا لو دونتك قصيد
في ورق الدنيا كلو
انا ما بوفيك قــــدرك
الا يابا خنقتني العبره
ولقيت نفسي مجبوره اكتبك
يا كل من قراك معاي
قول لي ابوي الراقد
عند كريم الله يغفر ليك
ويرحمك
وانا إنشاء الله يقدرني وفي
كل لحظه أدعو ليك ربي
يغفر ليك ويرحمك
ويارف بي اذا ما صرت
لي حالك وجيتك هناك في
مرقدك
لكل شخص اباه مازال حيا
أرجوك قدس أباك (إنت في نعيم)
حنين صالح
.

رغم انها مرثيه وحزينه لكنى فرح بعودة اختى العزيزه للكتابه وفى نفس الوقت اترحم على الكاتب والمكتوب له
ومن فرحتى باختى اطلق اللالعاب فرحا بها

موضوع: رد: حنين صالح الأحد ديسمبر 02, 2012 12:20 am

اخى انا فرحتى وجودك انت جنبى

قصيدة رائعة تستحق الاشادة .. واتمني من الله ان لا يحرم اي ابن او بنت من الابوين .

موضوع: رد: حنين صالح الخميس يناير 17, 2013 6:22 am

احمد محمد عبدو كتب:: قصيدة رائعة تستحق الاشادة .. واتمني من الله ان لا يحرم اي ابن او بنت من الابوين .