روائع خضر بشير

خدعوك وجرحو
سمعتك نور وجنتيك طفطن مذارف دمعتك
وين لونك الذهبي ونضارة لمعتك
كانت قلوب تخشي وتهاب من روعتك
ربك يجازي الخدعوك
لمهالك الشر اودعوك
لابد ليهم يوم عسير
يحيو ويقاسموك جرعتك
وين عقلك الفاهم دليلو وخبرتك
وين عقلك الثابت اساسو وجبرتك
ربك يجازي الخدعوك لمهالك الشر اودعوك
هم ضللوك تخلو عنك سلوك
ماحسبوا وراعو ذكرتك
خدعوك هل جازوك شيء من منيتك
اغروك فقدت اعز شيء في دنيتك
والخونة ظنوك في عذاب
وتجاهلو يوم الحساب
لكن تاكد ليك رب
ياخد حقوقك ينصفك

قم ياملاك والدنيا ليل نتناجى
في شاطئ النيل الجميل
والليل نهار للعاشقين
****
تتجلى صورتك في السحب
بين الكواكب والقمر
معكوسة في سطح النهر
نتبادل الحب بالنظر
وحديثنا بلغة العيون
****
بهوى الزهور في تبسمه
وبهوى الطيور في ترنمه
وبهوى الطبيعة الحالمة
فيكي ابتسامات الزهور
ومن الطيور صوتها الحنون
****
نتبادل الحب العظيم
في عفة الملك الكريم
أرواحنا تصبح في نعيم
عالمنا فوق دنيا البشر
وحياتنا روضة من الجنان
****
نتناجى لماضي العهود
آه العهود لو كان تعود
أتلاشى فيك وأنسى الوجود
أنسى الألم وأنسى الكلام
في لحظة من عمر الزمان

الناحر فؤادي – كلمات ود الرضي

الناحر فؤادى مولع جوفى حر
أضرم نار وجدى نسام السحر
**********
الكتف المهدل والجسم انبتر
والغيم المزمزم والصاد والتبر
والضهر المتنى والتيه يا الابر
دا الخلانى ساهر ماء عينى تبر
********
ما أطراك حبيبى الا وقلبى فر
اتلظى وأكظم الغيظ الوفر
ينعش روحى طيبك لو بدرك سفر
زى ما بى تفعل ذنبك مغتفر
*********
دامع لجى طرفك والطرف السحر
داري وماك داري ياسمح النحر
لاح لي عيني شخصك والنوم انحجر
انا عند سيدي أقرب من لمح البصر
*********
كل أذاي ياطبيبي في جوفي انحصر
ولع جسمي نار وحكى جفني البطر
إحذروا يا أحبة وحب الريم خطر
يكفي البي حاصل ياحالي الفطر
*********
شاغل غير شواغل بى سوحك مرر
على أسمعن من فاهك درر
من فولاذ قليبك وكبدك من حجر
ما أحلاك عندى إن زر أو هجر
*********
لاحم كتفه كفله ماج جيده الوفر
عمعم ديسه درعه فى بعضه إنضفر
حاكى الغيم تعرجن يا غالى النفر
قول للوزة غورى فى عينك ضفر

الأوصفوك – كلمات محمد بشير عتيق

الاوصفوك ..
بالبدر او بالزهر هم ما انصفوك
يا جميل
لو أوصفوك
****
كيف يجهلوك..
وعلي الجمال العادي راحو يمثلوك
ولو بادلوك عين الحقيقة
او بالبصيرة تأملوك
بالنور او بالنار
أو بي قدر ما ضاع الخيال
ما عادلوك
يا جميل
لو أنصفوك
****
كوكب منزه في علوك
سحرك قريب شخصك بعيد
او كان قريب انواره آخذه بدون سلوك
يبرق ثناك في غيهب الليل الحلوك
اظرف شمايلك زاملوك
وهم اكملوك
ادبك هبة
فيك موهبة
شكل الظبا
وطبع الملوك
يا جميل
لو أنصفوك

لغة العيون – كلمات محمد بشير عتيق

خاطبته بي لغة الهـــوي *** فاجابني بي لغة العيون
في مرة كنا انا وهـــــو *** في روض جميل ثمره استوي
وريته مابي من شجون
ومن عطفه اظهر لي شجون
قال لي عزيز يهون
ما دمنا نحن علي الهواء ****يا حبيبي متعاهدين سوا
قلت ليه قلبي الليك غوي***في حبو ما ضل وغوي
وحياة جمالك يا مصون
حلي وانقسم ولي ابتسم وزاني تحت الغيم سنا وكشف عن العناب جنا
قال لي ما معني القسم بي جمالي في شعرك هنا؟ قتليه يا سمح القسم
كيف ما افاخر بيك انا وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون
قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي
قلت ليه برضك لي ظلوم كيف ما غرامي عليك يدوم
وانا فكري عندك كل يوم
يستوحي من حسنك علوم قال لي خلاص يا خوي نقوم
ودعني بي لغة العيون ودعتو بي قلبي الحنون

كنت معاهو هسه – كلمات محمد بشير عتيق

كنت معاهو هسه
ولع نار غرامي
ومشتاق ليه لسه
كنت معاهُ هسه
وأول يوم أزوره
في روضة زهورُه
وكان مصباحي نوره
حسيت بى غرامه
وبى ألامي حسه
لا تسأل عن إسمه
هاك ياصاحي رسمو
عن كل معنى يسمو
أسمر لونه خاطف
سامي رقيق مُلاطف
يتدفق عواطف
كوكب خدُه يلمع
كل ماليل مسّ
وحِكمه يداوي جرحك
لو بى أيده مسَّ
من يوم مارأيته
أخترتُه وهويته
وفي قلبي أحتويته
بيهو فوادي عامر
ومالي غير سامر
غايتو بلا مدسَّه
كُنت معاهُو هسَّه
ومشتاق ليهو لسه

ساهر طرفي – كلمات حبيب حسن جار النبي

ساهر طرفي مانمت
يوم شفتك وأعلنت
باني أسير وسالمت
وبمن سواك آمنت
آمنت بان المبدع فنان
ابدع فيك من فنو
امعنت في تصاويره
في أجمل صورة ساوك
خلقك حته في حته
جمالك حير الافكار
سطع نورك عمى الأبصار
تدور في فلك الأقمار
مثالك أصلو ماشفتو
الخلاني أهواك
وماهماني سواك
جمالك فطري سوداني
في طباعك وفي آدبك وفي حياكا
نبالك ماضية فتاكة سيوف لحظيك حارساكا
وأعمل ايه انا معاك ؟
أموت في سجني وحرماني
قابلت الأسود في الغاب
أبدا ماتراجعت
كم فرسان خيول وركاب
فوق لركابي ماوقعت

مدحة جل جلاله - كلمات العارف بالله الشيخ عبدالباقي المكاشفي

جل جلاله لا له... شريك ولا له مثاله
****
ســـــماه بنالو.... أرضو الفيها دحاها جبالو
أنزل قطر النبت كسالو... كالسندس يفوق في جمالو
****
بدا آدم من صلصالـو... عاش في الدنيا نشر أمثالو
أرسل رسل بصدق أقوالو... لا وجوب عليه محالـو
****
ختم الرسل بى الأكمالو... بالمـــختار المافي مثالو
شرعه الباقي فقط لا يزالو... ليوم الـحشر والزلزالو
****
قول يا فمي فوق خلفاه... الصديق حليف في وفاه
الفاروق الدين رفــاه... عثمان تالي السبع بفاه
****
كــرار المعظم شانو... بناء الكفر هدم حيشانو
رمحه سنين يشن نيشانو... بيه الدين تعظم شانو

من يوم حبي فارقني – كلمات محمد بشير عتيق

من يوم حبى فارقنى
منامى وطرفى ما اتلاقو
* * *
ملاك فى ظلاله متانى
رشيق القامه متثنى
اذا استقبلنا محياهو
سحر انظارنا بى ضياهو
جذب أفكارنا بحياهو
انا البى حبه شاغلنى
كيف لا اعشقه واغنى
وادوب فى لطفه واخلاقو
* * *
اروم بي لقاهو يفرحني
أخاف من لحظة يجرحني
افكر مرة استنى
وارجع برضي اتمنى
واقول اصبر وأتانى
حبيبي عساهو يسمح لي
وبنظرة عطف يلمحني
* * *
مرضني وما سأل عنى
احبه وبرضه يجهلنى
فنيت افكاري فى فنى
وشبته مع صغر سنى
مهما يكون صارف عنى
احبه وقلبى يشتاق له
ومن يوم مابقى فراقو
منامي وطرفي ما إتلاقو

إيه يامولاي – كلمات محمود أبوبكر

إيه يامولاي إيه من حديث أشتهيه
وجمال أنت فيه بغية القلب النزيه
****
عسعس الليل فناما واكتسى الوادي ظلاما
إن يكن صمتي رهيبا فأن صمتك كلاما
****
وأرى الوجه تجلى فوقه الشعر تدلى
عجبت عيني لبدر منك بالليل استظل
****
دارى البارق حاكى بارقاً ابكى ملاكا
مابكى الافق ولكن إذ رأى دمعي تباكى
****
اسقني خمر الدناني نخب حب ودفاء
أن في عيناك رأى بعض آيات السماء
****
فأرددي الكأس إليّ كسرها غالي عليّ
أنها أروت ظمياً وافياً مادام حيا
****
وأرى البان تثنى وله البلبل غنى
فأعلمي يا هند أنّا نكتم الحب ونغني

( الأربعة أبيات الأخيرة من شعر عباس محمود العقاد )

ويتم كسر هذه الأغنية بي الله فوق زوزو ياحلاة زوزو .

خدعوك – كلمات حسين محمد حسن

خدعوك وجرحو
سمعتك نور وجنتيك طفطن مذارف دمعتك
وين لونك الذهبي ونضارة لمعتك
كانت قلوب تخشي وتهاب من روعتك
ربك يجازي الخدعوك
لمهالك الشر اودعوك
لابد ليهم يوم عسير
يحيو ويقاسموك جرعتك
وين عقلك الفاهم دليلو وخبرتك
وين عقلك الثابت اساسو وجبرتك
ربك يجازي الخدعوك لمهالك الشر اودعوك
هم ضللوك تخلو عنك سلوك
ماحسبوا وراعو ذكرتك
خدعوك هل جازوك شيء من منيتك
اغروك فقدت اعز شيء في دنيتك
والخونة ظنوك في عذاب
وتجاهلو يوم الحساب
لكن تاكد ليك رب
ياخد حقوقك ينصفك

قسيم الريد - كلمات خضر بشير

يا قسيم الريد تعال لي وتعال
كيف اطيق بعادي وانت المالك فؤادي
غرامي وسهادي وشوقي وجهادي
****
جدي واجتهادي ده الخلاني ليك بنادي
قلبي لي قلبك عرف انا غيره ما بعترف
الزوزو رمز الالف كيف فراقنا بعد الولف
****
يا شتله الورد ويالجوهر الفردي
في اختلاف وعدي غابت نجوم سعدي
وطال في هواك بعدي
****
بي قربو ببقى سعيد انا دبت كفاي تهديد
لو يرضى سمير قلبي مولاي يتم الريد
****
يا غايه المقصود عاجباني فيك فصود
رقه ورشاقه عود فصلت فكري عقود
زي ثغرك المنضود
****
اقوالي بالاجمال في صفحه الاعمال
الروح فداك والمال انا لي فيك امال
ضاعت مع الاهمال

قوم بينا نلاقي مناظر – كلمات مصطفى بطران

قوم بينا نلاقي مناظر تفرح وتسر الخاطر تبرى الأرواح بشوقه
****
خليك ياصاحبي محاذر وافينا وفاء نادر ساعدنا كمان بالروقه
تشوف آرام وجآذر لأتبقى نفور ومحاذر تصبح أحشاك محروقة
****
في حسن الجيل الحاضر في عيون الظبي النافر والسعد المخيم فوقه
مجموعة جوهر نادر أو تحكي زهور في مناظر منتظمة تمثل جوقة
****
من كل مدرع سافر في هدوء الليل الكاسر وسط الأقمار في مروقه
في ثياب الملك الظافر في عيون الظبي النافر والمزن الحابكة بروقه
****
ضماهن مجلس عامر عفافن ليهن مسامر والقمري حداهن قوقه
ودلالن كان الآمر وأصبح بنفوسن يقامر مرقن الأفكار عن طوقه
****
حافلات بالمحيا الناير جالسات في شكل دوائر لدن القامات الممشوقه
تركني موله وحائر ماضر لو جيتن زاير بيناتن لئ معشوقه
****
بساط الروض الطاهر تجلى الحسن الباهر والخلقة السالم ذوقه
الشمس شعاعها الظاهر في توب العفة الطاهر ودي حياتي ولي مخلوقه

» بايجاز ..... ابوالعلاء بشير